• 30 сәуір 2025
• 319

Климаттық оқыту: Жаңа мүмкіндіктер мен серіктестік әлеуеті

Қорқыт ата Қызылорда университетінде  «Климаттық оқыту: Жаңа мүмкіндіктер мен серіктестік әлеуеті» тақырыбындағы үш жақты дөңгелек үстел өтті. 
Жиынның мақсаты – климаттық білім беруді дамыту, жаңа әдістемелермен бөлісу және мектептер мен жоғары оқу орындар арасында серіктестікті нығайту.
Кездесуге Рединг университетінің Білім беру институтының директоры Dr Sarah Marston, Рединг университетінің доценті, тұрақты даму саласындағы бағдарлама жетекшісі Dr JoAnna Reed Johnson, Қорқыт ата атындағы Қызылорда университетінің қауымдастырылған профессоры, экономика ғылымдарының кандидаты Қамар Бекетова, Халықаралық байланыстар бөлімінің басшысы Гүлнәзия Әлмаханова және Облыстық ҚХА жанындағы Аналар кеңесінің төрағасы, қалалық мәслихат депутаты, Ы.Алтынсарин атындағы №10 мектеп-лицейдің директоры, тарих ғылымдарының кандидаты Айгүл Мұсабаева, оқытушылар мен мектеп мұғалімдері қатысты.

Іс-шара барысында халықаралық тәжірибе алмасу, мектептер мен жоғары оқу орындар арасында өзара бірлескен жобалар әзірлеу, оқытушылар мен студенттер алмасу, бірлескен зерттеулер жүргізу жайы қозғалды.
Дөңгелек үстел аясында көтерілген бастамалар климаттық білім беруді жетілдіруге және экологиялық сана қалыптастыруға бағытталды. Қатысушылар білім беру саласындағы серіктестікті тереңдету арқылы жаһандық экологиялық мәселелерге бірлесіп жауап беру қажеттігін атап өтті. Мұндай кездесулер халықаралық тәжірибе алмасуға жол ашып, тұрақты даму мақсаттарын жүзеге асыруда маңызды қадам болары анық.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru