• 30 сәуір 2025
• 506

Корей тілінен шешендік өнер байқауы өтті

Қорқыт ата атындағы Қызылорда университетінде корей тілінен шешендік өнер байқауы өтті. Іс-шараны Алматы қаласындағы корей тілін оқыту орталығының бастамасымен өткізілді.
Жиынның ашылуында Гуманитарлық-педагогикалық институтының директоры, тарих ғылымдарының кандидаты, доцент Сағат Тайман сөз сөйлеп, байқауға арнайы емтихан арқылы іріктелген үздік студенттерге алғыс хаттар табыстады.
Сайыс барысында студенттер корей тілінде еркін сөйлеп, өз ойларын жеткізу арқылы тілдік біліктіліктерін дәлелдеді. Байқауға қатысқан студенттер дипломдар мен сыйлықтарға ие болды. Сонымен қатар, үздік үштікке енген студенттерге ақшалай сыйақы табысталды.

Университетішілік байқау қорытындысы бойынша «Шетел тілдері және аударма» білім беру бағдарламасының студенті Камилла Кульдеева жеңімпаз атанып, Алматы қаласында өтетін республикалық деңгейдегі байқауға жолдама алды. Аталған байқауда үздік шыққан қатысушыға Оңтүстік Кореяға саяхаттап қайту мүмкіндігі беріледі.
Шара студенттердің тіл меңгеруге деген қызығушылығын арттырып қана қоймай, көпмәдениетті ортада өз ойын еркін жеткізу қабілетін дамытуға ықпал етті.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru