• 05 мамыр 2025
• 427

Элмира Өмірзаққызы – 50 жаста

Қорқыт ата атындағы Қызылорда университетінде «Философия және әлеуметтік-гуманитарлық пәндер» секциясының аға оқытушысы, әлеуметтік ғылымдарының магистрі Ильясова Элмира Өмірзаққызының 50 жас мерейтойына арналған салтанатты мәжілісі өтті.
Іс-шарада «Философия және әлеуметтік-гуманитарлық пәндер» секциясының жетекшісі Жарқынбек Әбікенов ғалымның ғылым мен білім саласына қосқан үлесін ерекше атап өтті.

1996 жылдан бастап Қорқыт ата атындағы Қызылорда университетінің «Философия және әлеуметтік-гуманитарлық пәндер» секциясында аға оқытушысы қызметін атқарып келеді. 
Жиынға Ғылым департаментінің директоры Наргүл Сақтағанова, Оқу үдерісін ұйымдастыру және диспетчерлік қызмет басқармасының басшысы Дина Жарылғапова, философия ғылымдарының докторы, профессор Баймырза Қожамберлиев, Қызылорда облыстық қоғамдық даму басқармасының «Қоғамдық келісім» комуналдық мемлекеттік мекемесі директорының орынбасары Даулет Омаров, Облыстық қоғамдық даму басқармасы Мониторинг және талдау бөлімінің басшысы Саулет Сахиев, Экономика және құқық институтының кәсіподақ ұйымының төрағасы  Қуаныш Жарекеев, «Аманат» партиясының қалалық филиалы «Тұран» бастауыш партия ұйымының мүшесі Меруерт Өмірзақова және оқытушылар мен студенттер қатысты.

Кездесуде Элмира Өмірзаққызы Қорқыт ата атындағы Қызылорда университетінің «Қорқыт Ата атындағы Алтын медальімен» марапатталды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru