• 05 мамыр 2025
• 339

Қаржылық мониторинг агенттігі студенттермен кездесу өткізді

Қорқыт ата атындағы Қызылорда университетінде Қаржылық мониторинг агенттігінің өкілдерімен студенттерге арналған іс-шара өтті. Шараға инженерлі-технологиялық институтының электроэнергетика, су шаруашылығы және кадастр мамандықтарының  бітіруші түлектері қатысты.

Іс-шара барысында агенттік өкілдері қаржылық қауіпсіздік, сыбайлас жемқорлықтың алдын алу және заңнамалық талаптар жөнінде баяндама жасап, студенттермен ашық әңгіме жүргізді. 
Шараның басты мақсаты — болашақ мамандардың құқықтық сауаттылығын арттыру, оларды еңбек нарығында кездесетін қауіп-қатерлерден қорғау және кәсіби жолда дұрыс шешім қабылдауға бағыттау болды. Агенттік өкілдері түлектерге алдағы уақытта кәсіби даму мен тәжірибе алмасу үшін жақсы мүмкіндіктердің қарастырылатынын атап өтті.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru