• 08 мамыр 2025
• 578

Республикалық пәндік олимпиадада ІІІ орынға ие болды

Қорқыт ата атындағы Қызылорда университетінің «Есеп және аудит» білім беру бағдарламасының студенттері XVII Республикалық пәндік олимпиадада жүлделі ІІІ орынды иеленді. «В045 – Аудит және салық салу» білім беру бағдарламасы бойынша Алматы технологиялық университетінің базасында өтті.
Олимпиаданың мақсаты – студенттердің кәсіби білімін жетілдіру, теориялық және практикалық білімдерін дамыту, сондай-ақ білім беру ұйымдары арасындағы тәжірибе алмасу мен бәсекеге қабілетті мамандар даярлау.

Білім сайысына еліміздің 16 жоғары оқу орны қатысты. Университет атынан қатысқан Бақжан Тұқман, Мадина Садыкова және Саят Урикбаев командалық есепте жоғары нәтиже көрсетіп, үздік үштікке енді. Студенттер өздерінің кәсіби білімдері мен дайындық деңгейін дәлелдеді.
Команданың ғылыми жетекшісі – «Қаржы, есеп және аудит» білім беру бағдарламасының аға оқытушысы Рауа Айтманбетова. Қорқыт ата университеті жеңімпаздарды құттықтап, алдағы білім жолында табыс тілейді.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru