• 08 мамыр 2025
• 354

Құқықтық сауаттылық: жемқорлыққа қарсы күрестің негізі

Қорқыт ата атындағы Қызылорда университетінде Біліктілікті арттыру және қосымша білім беру орталығының ұйымдастыруымен Қазақстан Республикасы Қаржылық мониторинг агенттігінің Қызылорда облысы бойынша Экономикалық тергеп-тексеру департаменті қызметкерлеріне арналған «Сыбайлас жемқорлыққа қарсы мәдениетті қалыптастыру» бағдарламасы аясында семинар-тренинг өтті.

Семинардың мақсаты – сыбайлас жемқорлыққа қарсы көзқарас пен мәдениетті қалыптастыру, құқықтық және азаматтық жауапкершілікті арттыру. 
Жиында «Құқықтану» білім беру бағдарламасының жетекшісі Ерлан Алтаев және Сыбайлас жемқорлыққа қарсы комплаенс-офицер Әлібек Жаппасбаев жемқорлықтың алдын алу бойынша түсіндірме жұмыстарын жүргізді. 

Семинар соңында Біліктілікті арттыру және қосымша білім беру орталығының басшысы Нұрхан Абдикалыков қатысушыларға арнайы сертификаттар табыстады.
Алынған білім мен тәжірибе қатысушылардың кәсіби қызметінде және азаматтық ұстанымында өз жемісін беретіні сөзсіз.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru