• 19 мамыр 2025
• 70

«Достық кубогы» өз иесін тапты

Қорқыт ата атындағы Қызылорда университетінде оқытушы-профессорлар құрамы, қызметкерлер мен студенттер арасында Басқарма төрағасы – Ректордың ауыспалы «Достық кубогіне» арналған шағын футболдан дәстүрлі турнир өтті.

Университеттің Әлеуметтік және тәрбие жұмыстары жөніндегі проректоры Жандос Базартай марапаттау рәсіміне қатысып, жеңімпаз командаларға арнайы дипломдар табыстады.

Турнирдің басты мақсаты – университет ұжымы арасындағы әріптестік байланысты нығайту, бұқаралық спортты дамыту және салауатты өмір салтын насихаттау болып табылады.

Доп додасы барысында барлық институттың оқытушылары мен студенттері және ректорат қызметкерлері бір алаңда бас қосып, футбол арқылы ұйымшылдықты арттырып, достық қарым-қатынасты нығайтты.

Жарыс қорытындысы бойынша Бас жүлде мен ауыспалы «Достық кубогын» Ректорат командасы жеңіп алды. II орынды – Педагогика және дәстүрлі өнер институтының командасы, ал III орынды – Жаратылыстану институтының командасы иеленді.

Сонымен қатар, қатысушылар арнайы номинациялармен марапатталды. Атап айтсақ, «Үздік төреші» - Абылайхан Сейілбеков, «Үздік қақпашы» - Есенжол Назаров, «Үздік қорғаушы» – Кеулімжай Ботабаев, «Үздік шабуылшы» – Айдар Жолдас, «Үздік ойыншы» - Ерлан Байдарбесов атанды.

Айта кетейік, «Достық кубогі» университетте жыл сайын дәстүрлі түрде өткізіліп, ұжым мүшелері арасында үлкен қызығушылыққа ие.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru