• 19 мамыр 2025
• 112

Қорқыт ата университеті мен Түркия арасындағы ынтымақтастық нығаюда

Қорқыт ата атындағы Қызылорда университетінде халықаралық әріптестік аясында маңызды кездесу өтті. Эскишехир Османгазы университетінің Философия және дінтану ғылымдары институтының  PhD докторы Эрдоған Боз университетке ресми сапармен келді.

Қонақты университеттің Ғылыми жұмыстар және халықаралық байланыстар жөніндегі проректоры Майнура Бурибаева қабылдады. Кездесу барысында қос тарап білім, ғылым және мәдени байланыстарды кеңейту, академиялық ұтқырлық бағдарламаларын дамыту, бірлескен зерттеу жобаларын жүзеге асыру мәселелерін талқылады.

Эрдоған Боз университет студенттеріне дәріс оқуды жоспарлап отыр. Сонымен қатар, ол қазақ тілі мен мәдениетіне ерекше қызығушылық танытып, осы бағытта ғылыми-зерттеу жұмыстарымен айналыспақ.
Айта кетейік, университетіміз Түркияның бірқатар жетекші жоғары оқу орындарымен тығыз байланыс орнатып, халықаралық әріптестік аясын кеңейтіп келеді.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru