• 20 мамыр 2025
• 369

Құқық қорғау қызметінің өкілдері болашақ мамандармен кездесті

Қорқыт ата атындағы Қызылорда университетінде Қазақстан Республикасы Ішкі істер министрлігіне қарасты Астана қаласы Полиция департаментінің өкілдерімен кездесу өтті.
Іс-шараға Кадр саясаты басқармасының қызметкерлері – полиция подполковнигі Зөре Айтжанова және полиция майоры Данияр Есенов арнайы шақырылды.

Кездесудің негізгі мақсаты – болашақ мамандарға құқық қорғау органдарының қызмет ерекшеліктерін түсіндіру, кәсіби бағдар беру арқылы мемлекеттік қызметке орналасу мүмкіндіктерін таныстыру болды.
Кездесу барысында студенттерге Ішкі істер министрлігінің құрылымы, қызмет салалары, жұмысқа қабылдану талаптары мен тәртібі, сондай-ақ ішкі істер органдарындағы әлеуметтік кепілдіктер мен мансаптық өсу жолдары туралы толық ақпарат берілді.

Сонымен қатар, құқық қорғау саласындағы білім беру бағдарламалары, бастапқы кәсіби дайындық курстары мен қоғамдағы құқық қорғау қызметінің маңыздылығы кеңінен сөз болды.
Мұндай кездесулер студенттердің кәсіби бағдарын айқындап, болашақта мемлекеттік қызметке қызығушылықтарын арттыруға оң әсерін тигізеді.

 
Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru