• 23 мамыр 2025
• 189

Республикалық пәндік олимпиада үздіктерімен кездесу өтті

Қорқыт ата атындағы Қызылорда университетінің Басқарма төрағасы-Ректоры Бейбіткүл Кәрімова Республикалық пәндік олимпиада жеңімпаздарымен кездесті.
Жиынға Академиялық мәселелер бойынша проректор Дана Абдрашева, Республикалық олимпиадаға қатысқан студенттер мен жетекшілері қатысты.

Кездесудің мақсаты - студенттердің республикалық пәндік олимпиададағы жетістіктерін талқылап, білім сапасын арттыру бағытындағы жұмыстар айқындалды.
Айта кетсек, 2022-2023 оқу жылында 23 жүлделі орын, 2023-2024 жылы 25 жүлделі орын алса, ал 2024-2025 оқу жылында Республикалық пәндік олимпиададан 29  жүлделі орын иеленген. Олимпиада қорытындысы бойынша I орынды 4 команда, II орынды 10 команда, III орынды 15 команда қанжығасына байлаған.

Сонымен қатар, алдағы оқу жылында университет базасында «Информатика» және  «Графикалық дизайн» білім беру бағдарламасы бойынша Республикалық пәндік олимпиада,  М.У.Ахмет атындағы Аймақтық «Математикалық тартыс»  олимпиадасы өткізіледі.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru