• 26 мамыр 2025
• 169

Университет студенттері каратэ-дò спорт түрінен 4 қола жүлде иеленді

Қорқыт ата атындағы Қызылорда университетінің студенттері Түркістан қаласында өтіп жатқан XIII Жазғы Универсиадада карате-до спорт түрінен 4 қола медаль жеңіп алды.

«Түркістан Арена» спорт кешенінде ұйымдастырылған дүбірлі додада білім алушылар университет намысын абыроймен қорғап, жеңіске деген жігері мен қайсарлығын көрсетті.

 Жекелей сында Габиден Урынбаев, Бақдәулет Кубаш, Данияр Жарылқасын және Мұхаммедамин Әбзели қола жүлдені иеленді.

Айта кетейік, аталған Универсиадаға еліміздің түкпір-түкпірінен 76 жоғары оқу орнынан 4000-нан астам студент қатысуда. Олар спорттың бірнеше түрінен өзара бақ сынасып жатыр.

Жазғы Универсиаданың негізгі мақсаты – бұқаралық спортты дамыту, салауатты өмір салтын қалыптастыру, сондай-ақ жастар арасындағы достық пен ынтымақтастықты нығайту.

Жарыс 14 маусымға дейін жалғасады. Университетіміздің спортшыларына алдағы сында сәттілік тілейміз!

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru