• 29 мамыр 2025
• 117

Қоршаған ортаны қорғау күніне арналған дәріс өтті

Қорқыт ата атындағы Қызылорда университетінде 5 маусым – Дүниежүзілік қоршаған ортаны қорғау күніне орай «Қоршаған ортаны қорғау және оны ұйымдастыру» тақырыбында ашық дәріс өтті.

Дәрісті «Электр энергетикасы, техносфералық қауіпсіздік және экология» білім беру бағдарламасының қауымдастырылған профессоры Гүлзат Аскарова өткізді.

Кездесу барысында табиғи ресурстарды тиімді пайдалану, экологиялық қауіпсіздікті қамтамасыз ету, қалдықтарды басқару және қоршаған ортаны қорғаудағы халықаралық тәжірибелер туралы жан-жақты ақпарат берілді.

Сонымен қатар, дәрісте экологиялық заңнамалар мен тұрақты даму қағидаттары түсіндіріліп, жаһандық экологиялық мәселелердің алдын алу жолдары қарастырылды.

Іс-шараға Экология және табиғатты пайдалану білім беру бағдарламасының студенттері қатысты.

Шараның басты мақсаты – студенттердің экологиялық сауаттылығын арттыру, табиғатқа деген жауапкершілік көзқарасын қалыптастыру және болашақ мамандардың кәсіби бағдарын тереңдету болды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru