• 30 мамыр 2025
• 87

Халықаралық курс сәтті аяқталды

Қорқыт ата атындағы Қызылорда университетінде Keimyung University (Корея Республикасы) және Korea Foundation ұйымымен бірлесіп ұйымдастырылған “2024–2026 KF Global e-School (Korea–Overseas Real-time Program)” жобасы аясындағы “Korean Lexicology as a Foreign Language” атты онлайн курсы өз мәресіне жетті.

Аталған курс 2024 жылғы 13 қыркүйек пен 13 желтоқсан аралығында өтті. Дәрістерді Keimyung университетінің профессоры, KF Global e-School бағдарламасының директоры Kim Seon Jung жүргізді. 
Қорқыт ата Қызылорда университетінен кеңесшілер Темірболат Кеншінбай және Ұлжан Бекназарова болды.

Онлайн форматта өткен курсқа «Шетел тілдері және аударма» білім беру бағдарламасының студенттері қатысты. Курс барысында білім алушылар корей лексикологиясының теориялық негіздерімен, корей тіліндегі сөздердің құрылымы мен мағыналық түрлерімен, олардың қолдану аясымен, сондай-ақ шетелдік аудиторияға арналған сөздік құрастыру әдіс-тәсілдерімен жан-жақты танысты.

Бағдарлама қатысушыларға корей тілін тереңірек меңгеруге, теориялық білімдерін тәжірибемен ұштастыруға мүмкіндік берді. Курсты сәтті аяқтаған студенттерге сертификаттар табысталды.

Аталған курс Қорқыт ата атындағы Қызылорда университеті мен шетелдік жоғары оқу орындары арасындағы халықаралық әріптестікті нығайтып, көптілді білім беру бағыты аясындағы маңызды тәжірибелердің біріне айналды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru