• 10 маусым 2025
• 190

Университет студенттері Универсиадада қола медаль иеленді

Қорқыт ата атындағы Қызылорда университетінің студенттері XIII Жазғы Универсиада ойындарында еркін күрестен қола медаль жеңіп алды.
Жарыстың алғашқы күндерінен-ақ Нұржігіт Болат пен Ерасыл Серік үздік нәтиже көрсетіп, жүлделі орыннан көрінді.
Ауқымды додаға еліміздің 76 жоғары оқу орнынан 4000-нан астам студент қатысып, спорттың бірнеше түрінен өзара мықтыны анықтауда. Жазғы Универсиаданың басты мақсаты – жастар арасында бұқаралық спортты дамыту, салауатты өмір салтын насихаттау және достық пен ынтымақтастықты нығайту.

Айта кетейік, XIII Жазғы Универсиада 14 маусымға дейін жалғасады. Университетіміздің абыройын асқақтатып жатқан барлық студенттерге сәттілік тілейміз!

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru