• 11 маусым 2025
• 289

Жұлдызай Бейсен – Универсиаданың күміс жүлдегері

Қорқыт ата атындағы Қызылорда университетінің студенті Жұлдызай Бейсен XIII Жазғы Универсиада ойындарында әйелдер күресі бойынша күміс медаль жеңіп алды.
Жұлдызай жарыс барысында өз өнерімен көпшілікті тәнті етіп, университет абыройын асқақтата білді. Бұл жетістік – студентіміздің табандылығы мен жеңіске деген жігерінің нәтижесі.
Ауқымды спорт бәсекесіне еліміздің 76 жоғары оқу орнынан 4000-нан астам студент қатысып, түрлі спорт түрінен бақ сынауда.
Жазғы Универсиада – жастарды салауатты өмір салтына баулу, бұқаралық спортты дамыту және студенттер арасындағы ынтымақтастықты арттыру мақсатында ұйымдастырылып отыр.
Айта кетейік, аталмыш жарыс 14 маусымға дейін жалғасады. Университет намысын қорғап жатқан барша студенттерге сәттілік тілейміз!

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru