• 25 маусым 2025
• 91

«AFM online 2025»: Қаржылық сауаттылық – заман талабы

Қорқыт ата атындағы Қызылорда университеті Жоғары және жоғары оқу орнынан кейінгі білім комитеті Қаржылық мониторинг агенттігінің ұйымдастыруымен өткен «АФМ online 2025: 21 ғасырдың қаржылық триггерлері» атты форумына онлайн форматта қатысты.
Форумның басты мақсаты – жастардың және жалпы халықтың қаржылық сауаттылығын арттыру, құқықтық мәдениетін қалыптастыру. Қаржы саласындағы заманауи қауіп-қатерлер мен алаяқтықтың жаңа түрлерін түсіндіру арқылы жастарды сақтыққа шақыру – іс-шараның өзекті бағыттарының бірі болды.

Іс-шара барысында қаржы пирамидаларының белгілері мен алдын алу жолдары, интернет-алаяқтық түрлері және одан қорғану тәсілдері, «дропперлік» ұғымы, жалған ақпараттар мен дипфейк технологияларының қаупі талқыланды.
Форум қатысушыларына нақты мысалдар арқылы түрлі қаржылық қауіптер түсіндіріліп, бүгінгі цифрлық дәуірде қаржылық сауаттылықтың маңызы атап өтілді.

Корқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru