• 01 шілде 2025
• 106

Түлектерге диплом табыстау рәсімі өтті

Қорқыт ата атындағы Қызылорда университеті, Гуманитарлық – педагогикалық институтының түлектеріне салтанатты түрде диплом табыстау рәсімі өтті. 
Биыл институтты 420 түлек бітірсе, оның 70-і магистрант.  
Салтанатты шараға Басқарма Төрағасы – Ректор Бейбіткүл Кәрімова қатысып, түлектерге сәттілік тіледі.  

Жиында «Келешегіміздің кемел, болашағымыздың баянды болуы бүгінгі жастарға тікелей байланысты. Соңғы 5 жылдың өзінде университет қабырғасынан 12 мыңнан аса маман түлеп ұшты.  Біздің түлектеріміздің қатарында есімдері елге танымал қоғам қайраткерлері, мемлекеттік сыйлықтың лауреаттары, Қазақстанның Еңбек Ері атағының иегерлері, белгілі ғалымдар мен ұстаздар, даңқты спортшылар да бар. Осындай түлектерімізді біз әрдайым мақтан тұтамыз дейді, - ректор Бейбіткүл Сәрсемханқызы.

Сонымен қатар, диплом табыстау рәсіміне Академиялық жұмыстар бойынша проректор Дана Әбдірашева, Ғылыми жұмыстар және халықаралық байланыстар жөніндегі проректор Майнұр Бөрібаева, Облыстық «Сыр бойы» газетінің бас редакторы, университет түлегі Қуат Шарабидинов, «Speak English»тілдік орталығының директор орынбасары Бақдәулет Әбдіқалық, филология ғылымдарының кандидаты, академиялық доцент ардагер ұстазымыз Темірболат Кеншінбай, профессор Тастан Сәтбай және филология ғылымдарының кандидаты, қауымдастырылған профессор Күлдірсін Сарышева, Орыс тілі мен әдебиеті білім беру бағдарламасының жетекшісі, педагогика ғылымдарының кандидаты Сауле Жарбулова қатысып, ыстық лебіздерін жеткізді.   

Шарада ата-аналар мен бітіруші түлектер университет ұжымына алғастарын білдірді.
Бітіруші түлектерге сәттілік тілейміз!

Корқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru