• 04 шілде 2025
• 480

Директорлар кеңесінің төрағасы университет ұжымымен кездесті

Қорқыт ата атындағы Қызылорда университетіне Директорлар кеңесінің төрағасы, қоғам қайраткері, экономика ғылымдарының кандидаты Әбіл Ерлан Қуанышұлы арнайы іссапармен келіп, оқу ордамыздың ішкі тыныс-тіршілігімен, ғылыми және мәдени әлеуетімен жақынырақ танысты.
Университетпен танысу барысында Ерлан Қуанышұлы мен Директорлар кеңесінің мүшесі, Қазақстан Республикасы Ғылым және жоғары білім министрлігінің Мемлекеттік сатып алу және активтер департаментінің директоры Ернар Тоқтыбаевқа университеттің «Археология және этнография» ғылыми орталығының көрмесі көрсетіліп, «Aрхеология және этнография» ғылыми орталығының жетекшісі Сейдалы Билалов экспозициядағы бірегей жәдігерлер туралы кеңінен мәлімет берді. 

Сапар барысында университеттің профессор-оқытушылар құрамымен және құрылым басшыларымен арнайы кездесу ұйымдастырылып, білім беру сапасы, ғылыми зерттеулердің нәтижелілігі, кадр даярлау мәселелері және университеттің даму бағыттары жан-жақты талқыланды.
Кездесуге университеттің Басқарма Төрағасы – Ректоры Бейбіткүл Каримова, проректорлар, құрылым басшылары мен профессор-оқытушылар құрамы қатысты.

Жиында болашақтағы стратегиялық жоспарлар мен университет имиджін арттыру бағытында атқарылатын жұмыстар төңірегінде ұсыныстар мен пікірлер ортаға салынды. Әсіресе, халықаралық әріптестікті нығайту, ғылым мен инновацияны дамыту, студенттердің шығармашылық әлеуетін көтеру сынды өзекті мәселелерге баса назар аударылды.

Басқосуда айтылған тың ойлар мен келелі пікірлер оқу орнының өркендеуіне, заманауи талаптарға сай дамуына тың серпін беретіні сөзсіз.

Корқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru