• 04 шілде 2025
• 516

Директорлар кеңесінің кезекті отырысы өтті

Қорқыт ата атындағы Қызылорда университетінде Директорлар кеңесінің кезекті отырысы өтті. 
Кездесуге қоғам қайраткері, экономика ғылымдарының кандидаты Ерлан Әбіл, Директорлар кеңесінің мүшесі, Қазақстан Республикасы Ғылым және жоғары білім министрлігінің Мемлекеттік сатып алу және активтер департаментінің директоры Ернар Тоқтыбаев пен университеттің Басқарма Төрағасы - Ректор Бейбіткүл Каримова, және Директорлар кеңесінің басқа да мүшелері онлайн форматта қатысты.
Отырыста 2025 жылға белгіленген университет қызметінің негізгі көрсеткіштері мен индикаторларының орындалуы туралы Басқарма төрағасы мен Басқарма мүшелерінің есептері тыңдалды.

Сонымен қатар, ішкі аудит қызметі мен сыбайлас жемқорлыққа қарсы комплаенс-қызметінің есепті кезеңдегі қызметі туралы ақпарат ұсынылды.

            Директорлар кеңесінің жұмысы келесі шешімдермен түйінделді:
1.    Басқарма есебі университеттің 2024 жылға арналған даму көрсеткіштері мен мақсатты индикаторларының тиімді орындалғанын растады. Университет QS және Green Metric сынды беделді халықаралық рейтингтердегі позициясын жақсартып, шетелдік жоғары оқу орындарымен ынтымақтастығын кеңейтті.
2.    Ғылыми бағыттағы қызметте оң динамика байқалады: зерттеу жобаларының табысы артып, университет ғалымдарының жарияланымдық белсенділігі тұрақты өсіп келеді.
3.    Салалық қауымдастықтар мен кәсіпорындар сұранысына сәйкес әзірленген инновациялық білім беру бағдарламалары енгізілді. Бұл еңбек нарығының заманауи талаптарына жауап беруге және университет пен өндірістік сектор арасындағы байланысты нығайтуға ықпал етеді.
4.    QS рейтингісінің ТОП-700 қатарына кіретін шетелдік жоғары оқу орындарымен қос дипломды бағдарламалар саны артты. Бұл оқу үдерісін интернационалдандыруға және студенттердің академиялық ұтқырлығын кеңейтуге мүмкіндік береді.
5.    Білім беру, ғылыми және басқарушылық қызметті цифрландыру бойынша кешенді жұмыстар басталды. Бұл университеттің басқару тиімділігін арттыруға және заманауи инфрақұрылым қалыптастыруға бағытталды.

Сапар барысында Директорлар кеңесінің мүшелері  құрылымдық бөлімше басшыларымен, профессор-оқытушылар құрамымен мазмұнды кездесулер өткізді.
Сондай-ақ, студенттердің теориялық білімдерін кәсіби құзыреттіліктермен ұштастыруға бағытталған оқу-өндірістік тәжірибе базасының жұмысымен, ғылыми және инновациялық инфрақұрылымымен, зертханалар мен ғылыми-зерттеу орталықтарының бағыттарымен және басқа да әлеуметтік нысандармен танысты.
Ерлан Қуанышұлы университеттің ашықтық, корпоративтік басқару және академиялық даму қағидаттарын жүйелі түрде нығайтуы оның тұрақты дамуы мен халықаралық деңгейдегі позицияларын жақсартуға ықпал ететінін атап өтті.

Корқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru