• 08 шілде 2025
• 736

Шығармашылық емтихандар басталды

Қорқыт ата атындағы Қызылорда университетінде шығармашылық дайындықты талап ететін грант конкурсына қатысушы талапкерлерге шығармашылық емтихандар басталды. 
6В02130 – «Хореография» білім беру бағдарламасы бойынша шығармашылық емтихан өтіп, 48 талапкер бақ сынады.
В031- «Сән, дизайн» білім беру бағдарламасы бойынша 56 талапкер арнайы емтихан кезеңдерінен өтті.
Емтиханда арнайы критерийлер негізінде тәжірибелі комиссия мүшелері жұмыс жасап, талапкерлердің шығармашылық қабілеті, эстетикалық талғамы мен кәсіби шеберлікке деген бейімділігі бағаланды.

Сонымен қатар, университетте шығармашылық бейіндегі жоғары білімнің білім беру бағдарламалары топтарының 8 бағыты бойынша мамандар даярланады:
1. В004 - Бастапқы әскери дайындық мұғалімдерін даярлау;
2. В005 - Дене шынықтыру мұғалімдерін даярлау;
3. В006 - Музыка мұғалімдерін даярлау;
4. В007 - Көркем еңбек және сызу мұғалімдерін даярлау;
5. В021-Орындаушылық өнер;
6. В028 – Хореография;
7. В031 - Сән, дизайн;
8. В042-Журналистика және репортер ісі.

Қабылдау комиссиясы грант конкурсына қатысушалырдан 20 маусымы мен 07 шілде аралығында талапкерлерден 600-ден астам өтінім қабылдады. 
Айта кетсек, грант конкурсына қатысушы талапкерлерден шығармашылық емтихан ағымдағы жылдың 08-11 шілде аралығында өткізілетін болады. 
Шығармашылық бағыттағы ақылы негізде түсуші талапкерлерден құжат қабылдау ағымдағы жылдың 20 тамызына дейін жалғасады.
Барша талапкерге сәттілік тілейміз!

Корқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru