• 11 тамыз 2025
• 50

«Абай» платформасы – Ұлы ойшылдың мұрасын жаңғыртатын жасанды интеллект

Қорқыт ата атындағы Қызылорда университеті Жасанды интеллект институтының студенті Ернұр Қанат қазақ руханияты мен заманауи технологияны біріктіретін тың жобаны – «Абай» атты жасанды интеллект жүйесін әзірледі. Бұл бастама – қазақ мәдениетін сақтап, оны жаңа буынға тиімді жеткізудің жаңа мүмкіндігі.
Жобаның мақсаты - Абай Құнанбайұлының қара сөздері мен философиялық мұрасын жасанды интеллект арқылы жаңғырту, сондай-ақ қазақ тіліндегі тілдік модельдерді дамыту. Бұл бастама арқылы қазақ әдебиетін, мәдениетін және ойшылдық дәстүрін цифрлы дәуірге сай бейімдеп, жас ұрпаққа түсінікті әрі қолжетімді формада ұсыну.

Ұлы ойшыл Абай Құнанбайұлының қырық алтыншы қара сөзі цифрлы форматта жасалып, оны жасанды интеллект көмегімен Абай бейнесіне салды. 
 «Абай» программасы қандай мүмкіндіктер ұсынады?
•    Абайдың қара сөздерін заманауи тілмен түсіндіреді;
•    Шығармалары мен ойларын философиялық тұрғыда талдайды;
•    Қазақ тіліне негізделген табиғи тіл модельдері арқылы сұрақтарға жауап береді;
•    Оқушылар мен студенттер үшін пайдалы танымдық көмекші бола алады;
•    Қазақ тілінің IT-саласындағы дамуына нақты үлес қосады.
 «Абай» – бұл тек чат-бот емес, бұл ұлттық сана мен технологияның түйіскен тұсы. Абайдың терең ойлары, моральдық-этикалық қағидалары, адамгершілік туралы тұжырымдары енді әрбір жасқа түсінікті және қызықты түрде ұсынылады.
Мәдени мұрамызды заманауи технологиямен ұштастыру – болашаққа салынған алтын көпір.

«Абай» платформасын пайдалану үшін осы сілтемеге өтіңіз: https://share.google/nkm3pX9wFvn12j6M9

Корқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru