• 11 тамыз 2025
• 48

Әзірбайжанда өткен халықаралық жазғы мектепте университет студенттері тәжірибе алмасты 

Қорқыт ата атындағы Қызылорда университетінің студенттері Әзірбайжан спорт академиясының ұйымдастыруымен өткен халықаралық жазғы мектепке қатысып, білімін жетілдірді. Шара Әзірбайжан Республикасының Губа қаласында өтті.

Жазғы мектеп «Тұрақты даму жолындағы қадам» тақырыбында ұйымдастырылып, қатысушылардың экологиялық мәдениетін арттыруға, тұрақты даму саласындағы білімін тереңдетуге бағытталды. Бағдарлама аясында семинарлар, тренингтер, пікірталастар және тәжірибелік жобалар өткізілді.

Халықаралық шараға Түркия, Әзірбайжан, Қырғызстан елдерінен 50-ге жуық студент қатысты. Қатысушылар тұрақты даму, экотуризм, табиғатты қорғау, қалдықтарды басқару және жасыл экономика тақырыптарында өз идеяларымен бөлісті.

Бұл жазғы мектеп студенттердің халықаралық деңгейде тәжірибе алмасуына мол мүмкіндік берді.

Корқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru