• 21 тамыз 2025
• 172

Жасанды интеллект бойынша оқыту семинары өтті

Қорқыт ата атындағы Қызылорда университетінде Жасанды интеллект институты мен Kyzylorda Hub ұйымдастыруымен LUPIC жобасы аясында профессор-оқытушылар құрамы мен қызметкерлерге арналған воркшоп өтті.

Семинардың басты мақсаты — қатысушыларға жасанды интеллект (AI) саласы туралы жан-жақты және практикалық тұрғыда қолдануды үйрету.

Оқыту барысында қатысушылар жасанды интеллекттің негізгі бағыттарымен танысып, машиналық оқыту (Machine Learning) және тереңдетілген оқыту (Deep Learning) қағидаларын меңгерді. Сонымен қатар, Python бағдарламалау тілін және оның NumPy, Pandas, TensorFlow, PyTorch сынды кітапханаларын қолдана отырып, алғашқы AI моделін құру дағдыларын үйренді. Деректерді өңдеу, модель құру, оны оқыту және нәтижелерін жақсарту бойынша практикалық тапсырмалар орындалды.

Семинар университет қызметкерлерінің цифрлық құзыреттілігін арттыруға, сондай-ақ жасанды интеллект технологияларын білім беру мен ғылыми-зерттеу салаларына тиімді енгізуге мүмкіндік берді.

Корқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_2022@korkyt.kz