• 27 тамыз 2025
• 59

Университетте "Баланы мектепке дайындайық" республикалық акциясы өтті

Қорқыт ата атындағы Қызылорда университетінде «AMANAT» партиясы «Тұран» бастауыш партия ұйымының ұйымдастыруымен "Баланы мектепке дайындайық" республикалық акциясы өтті.

Шараға университеттің Басқарма Төрағасы – Ректор, «Тұран» бастауыш партия ұйымының Төрағасы Бейбіткүл Каримова қатысып, бүлдіршіндерді алда келе жатқан жаңа оқу жылымен құттықтап, білім сапарына сәттілік тіледі.

Ректор өз сөзінде өскелең ұрпақтың сапалы білім алуы – ел болашағының кепілі екенін атап өтті.

Акцияның негізгі мақсаты – әлеуметтік қолдауды қажет ететін отбасыларға қолдау көрсету және жас ұрпақтың білім алуға деген ынтасын арттыру.

Іс-шара барысында балаларға мектепке қажетті сөмкелер, оқу құралдары, кеңсе тауарлары мен оқу-әдістемелік материалдар табысталды.

Мұндай қайырымдылық бастамалар – жастарға, әсіресе, білім жолын енді бастағалы отырған өскелең ұрпаққа қолдау көрсетудің жарқын үлгісі.

Кездесу соңында ата-аналар мен балалар алғыстарын білдіріп, ұйымдастырушыларға ризашылықтарын жеткізді.

Корқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_2022@korkyt.kz