• 26 тамыз 2025
• 31

Қорқыт Ата атындағы Қызылорда университеті ғылыми зерттеулерді үйлестіру бөлімінің бас әдіскері бос лауазымына  (уақытша болмаған жұмыскерді алмастыру уақытына) орналасуға  конкурс жариялайды

Конкурсқа қатысу үшін келесі  құжаттарды тапсыру қажет:
1) конкурсқа қатысу үшін өтініш; 
2) конкурсқа қатысушының жеке басын растайтын құжаттың көшірмесі;
3) конкурсқа қатысушының 3х4 түрлі түсті сүреті бар қызметтік тізбесі;
4) білім туралы құжат көшірмесімен бірге, салыстыру үшін түпнұсқасы беріледі;
5) жұмыс орны бойынша (қазіргі немесе бұрынғы) кадр қызметімен куәландырылған еңбек қызметін растайтын құжаттың көшірмесі; 
6) ғылыми жұмыстар мен өнертабыстардың тізімі (болған жағдайда);
7) № 075/у нысанындағы медициналық анықтама (дәрігерлік кәсіби-консультациялық қорытынды), Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығы (Қазақстан Республикасы Әділет министрлігінде 2020 жылы 4 қарашада № 21579 тіркелген);
8) Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің есептері бойынша тұлғаның қылмыстық құқық бұзушылық жасауы туралы мәліметтердің болуы не болмауы туралы анықтама.

Жоғарыда көрсетілген тiзбеге сәйкес құжаттар топтамасын толық ұсынбау өтінішті қабылдаудан ерікті нысанда бас тартуға негіз болып табылады.

Конкурсқа қатысушы біліміне, кәсіби деңгейіне қатысты қосымша ақпарат, сондай-ақ жұмыс тәжірибесін және біліктілігін растайтын құжаттар бере алады.

Бас әдіскер білуі тиіс: құқықтық актілерді, инновациялық басқару әдістерін, бұйрықтарды, өкімдерді және басқа да нормативтік, әдістемелік құжаттарды жүргізу және ұсыну тәртібін; бөлімнің жұмысын ұйымдастыру мен жоспарлаудың белгіленген тәртібін және құжаттамаға қойылатын талаптарды; пайдаланушы деңгейінде компьютерде талдау, мониторинг жүргізу және жұмыс жасау дағдыларын. ішкі еңбек тәртіптемесінің қағидаларын, еңбек қорғау нормалары мен ережелерін, қауіпсіздік техникасы және өртке қарсы күрес ережелерін, санитарлық нормалар мен ережелерді.
Бас әдіскердің біліктілік талаптары:  жоғары және (немесе) жоо кейінгі білім,   кемінде 5 жыл жұмыс өтілі болуы.

Құжаттарды қабылдау мерзімі: 04.09.2025ж. сағат 17:00-ге дейін. Байқаудың өтетін күні мен орны кейінірек хабарланады.

Құжаттар мына мекен-жайда қабылданады: 120014, Қызылорда қаласы, Әйтеке би көшесі 29А, бас әкімшілік ғимарат, 302 кабинет; e-mail: ksu@korkyt.kz.