• 22 қыркүйек 2025
• 33

Қорқыт ата университетінде «JaStar» мерекелік кеші өтті

Қорқыт ата атындағы Қызылорда университетінде студенттерге арналған «JaStar» мерекелік кеші ұйымдастырылды.

Іс-шараға Стратегиялық даму және IT жөніндегі проректор Мұрат Айтимов қатысып, білім алушыларға ізгі лебізін жеткізді. Ол жастардың жаңа бастамаларына қолдау білдіріп, университет өміріне белсене араласуға шақырды.

Қазіргі таңда университетте 22 жастар ұйымы жұмыс істейді. Студенттер оқу үдерісімен қатар осы ұйымдарға қатысу арқылы өз қабілеттерін дамытып, шығармашылықтарын шыңдай алады. Сонымен қатар, ұйымдар студенттерге қоғамдық іс-шараларға араласу мүмкіндігін беріп, белсенді әрі мазмұнды студенттік өмірге жол ашады. Бұл жастардың университет өміріне бейімделуіне, жаңа достар табуына және өз мүмкіндіктерін толық көрсетуіне ықпал етеді.

Кеш барысында университеттің өнерлі жастары әсем әндер орындап, би және түрлі шығармашылық қойылымдар ұсынып, көрермендерге көтеріңкі көңіл-күй сыйлады.

«JaStar» мерекелік кеші жастардың шығармашылық әлеуетін танытуға, студенттік ұйымдардың жұмысын кеңінен насихаттауға бағытталды.

Корқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_2022@korkyt.kz