• 22 қыркүйек 2025
• 66

Инклюзивті білім беру курсы сәтті аяқталды

Қорқыт ата атындағы Қызылорда университетінде Біліктілікті арттыру және қосымша білім беру орталығының ұйымдастыруымен университеттің профессор-оқытушылар құрамына арналған 72 сағаттық «Инклюзивті білім беру» біліктілікті арттыру курсы өтті.

Семинардың мақсаты - университеттің профессор-оқытушылар құрамының инклюзивті білім беру саласындағы кәсіби құзыреттілігін арттыру, ерекше білім беру қажеттіліктері бар студенттерге білім беру үдерісінде қолжетімді және тең мүмкіндіктерді қамтамасыз етуге бағытталған заманауи педагогикалық әдіс-тәсілдер мен тәжірибелік дағдыларды меңгерту.

Айта кету керек, дәрісті «АИСТ» арнайы және инклюзивті технологиялар академиясы» ЖШС директоры, әлеуметтік (дефектология) білім магистрі Айгерім Кудеринова жүргізді.

Біліктілік арттыру курсы – оқытушылардың кәсіби дамуына серпін беріп, инклюзивті орта қалыптастыруда маңызды қадам болды.

Сонымен қатар, «Педагогика, психология және бастауыш оқыту әдістемесі» білім беру бағдарламасының студенттеріне де дәріс өтті.

Студенттер инклюзивті білім берудің теориялық негіздерімен танысып, ерекше білім беру қажеттіліктері бар балаларды оқыту және тәрбиелеу әдістерін меңгерді. Сондай-ақ, олар заманауи педагогикалық тәсілдер мен практикада қолданылатын технологияларды игеруге мүмкіндік алды.

Курс қатысушылардың кәсіби дамуына және инклюзивті білім беру практикасын жетілдіруге ықпал етті.

Корқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_2022@korkyt.kz