• 23 қыркүйек 2025
• 81

Университет қызметкерлері Қытайдағы халықаралық семинарға қатысты

Қорқыт ата атындағы Қызылорда университетінің қызметкерлері Қытай Халық Республикасының коммерция министрлігі мен Шаньдун сыртқы сауда кәсіптік колледжі ұйымдастырған «Шанхай ынтымақтастық ұйымы елдерінің жаңа өндірістік салаларын дамыту және ынтымақтастық орнату» атты халықаралық семинарға қатысты.
Семинарға Қазақстанның бірнеше аймағынан және Армениядан мамандар қатысып, жасыл энергия, жаңа өндірістік күштер, цифрлық сауда, жасанды интеллект, биомедициналық инновациялар сынды өзекті тақырыптар талқыланды.

Шара қатысушылары Қытайдың Циндао, Цзинань және Шанхай қалаларында болып, тарихи-мәдени нысандармен қатар Циндао қаласындағы өндіріс орындарының жұмысымен танысты.
Бұл тәжірибе Қорқыт ата университеті қызметкерлерінің кәсіби біліктілігін арттырып қана қоймай, Қытай мен Қазақстан арасындағы білім, ғылым және өндіріс саласындағы ынтымақтастықты дамытуға жол ашты.

Корқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_2022@korkyt.kz