• 30 қыркүйек 2025
• 96

Ардагерлер турнирінде Қорқыт ата университеті үздік үштіктен көрінді

Қорқыт ата атындағы Қызылорда университетінің командасы ардагерлер арасында өткен шағын футболдан облыстық турнирге қатысып, жүлделі үшінші орынды иеленді.

Аталмыш турнир №6 облыстық мамандандырылған балалар-жасөспірімдер олимпиадалық резерв мектебінің директоры қызметін атқарған Сәрсенбек Қиятбаев пен университеттің «Дене тәрбиесі» кафедрасын ұзақ жылдар басқарған Марат Алибековты еске алуға арналды.
Турнирге облыстың ардагер футболшыларынан құралған алты команда қатысты. Атап айтсақ, «Мелиоратор», «ОтбасыБанк», «Қорқыт ата университеті», «Сырдария», «Жалағаш» және ТОО «Жібек».

Ойын нәтижесі бойынша бірінші орынға «ОтбасыБанк» командасы ие болды. Екінші орынды «Мелиоратор» командасы иемденсе, үшінші орынға «Қорқыт ата университеті» командасы лайық деп танылды.
Университет ұжымын және барлық қатысушыларды осы жетістікпен шын жүректен құттықтаймыз! Алдағы жарыстарда да биік белестерді бағындыруға тілектеспіз!

Корқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_2022@korkyt.kz