• 02 қазан 2025
• 59

Психологиялық қолдау орталығының мамандары кездесу өткізді

Қорқыт ата атындағы Қызылорда университеті Психологиялық қолдау орталығының мамандары жаңа оқу жылы қарсаңында университеттің барлық институттары мен жатақханаларында білім алушылармен кездесті.

Басқосуда студенттерге орталықтың қызмет бағыттары, көрсетілетін психологиялық қолдау түрлері, сонымен қатар жеке және топтық кеңес алу мүмкіндіктері жөнінде толыққанды ақпарат берілді. Психолог-мамандар жастардың оқу барысында кездесетін түрлі мәселелерін жеңілдетуге, өмірлік қиын жағдайларды еңсеруіне кәсіби көмек көрсетудің маңызына тоқталды.

Сонымен қатар, мамандар жаңа оқу жылының басталуымен құттықтап, студенттердің жан-жақты дамып, үздік жетістіктерге қолжеткізуіне тілектестік білдірді.

Университет басшылығы мен Психологиялық қолдау орталығының қызметкерлері алдағы уақытта да білім алушылардың жан-жақты дамуы мен рухани қолдауына бағытталған түрлі жобаларды бірлесе жүзеге асыруға уағдаласты.  

Корқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_2022@korkyt.kz