• 08 қазан 2025
• 57

Еріктілер қозғалысы табиғатты қорғауға бағытталады

Қорқыт Ата атындағы Қызылорда университетінің Инженерлі-технологиялық институтында «Электр энергетикасы, техносфералық қауіпсіздік және экология» бағыты бойынша білім алатын студенттермен қоршаған ортаны қорғау және экологиялық мәдениетті арттыру бағытында экологиялық сағат өткізілді.

Шараны ҚР Экология және табиғи ресурстар министрлігі Экологиялық реттеу және бақылау комитетінің Қызылорда облысы бойынша экология департаменті ұйымдастырды. Танымдық жиында департаменттің бас маманы студенттерге аймақтың экологиялық жағдайы, сондай-ақ халық арасында экологиялық мәдениетті қалыптастыру мақсатында жүргізіліп жатқан жобалар жөнінде баяндады.

Экология мамандығы бойынша білім алып жүрген студенттер үшін бұл кездесу кәсіби дамудың маңызды бөлігіне айналды. Студенттер экологиялық қызметтің нақты жұмыс бағыттарымен танысып, жұмысқа орналасу мүмкіндіктері, экологиялық жобаларға қатысу және экологиялық бастамаларды жүзеге асыру бойынша өздерін қызықтырған сұрақтарына жауап алды.

Кездесу барысында жастардың табиғатты қорғау бағытындағы еріктілік қозғалыстар мен экологиялық акцияларға белсенді қатысу мәселелері де талқыланды.

Корқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_2022@korkyt.kz