• 04 қараша 2025
• 101

Қорқыт ата атындағы Қызылорда университетінде «Ұлттық диктант» өтті

ҚР Ғылым және жоғары білім министрлігінің бастамасымен, ұлт ұстазы Ахмет Байтұрсынұлының туған күнімен тұспа-тұс келетін Қазақстан халқының тілдері күні аясында «Халықаралық «Қазақ тілі» қоғамы» қоғамдық бірлестігі ұйымдастырған «Ұлттық диктант» жобасы аясында Қорқыт ата атындағы Қызылорда университетінде жалпыхалықтық диктант өткізілді.

Іс-шараның мақсаты – мемлекеттік тілдің мәртебесін арттыру, жазу сауаттылығын жетілдіру және ұлттық бірегейлік пен тілдік мәдениетті нығайту.
Диктантқа университеттің Басқарма Төрағасы-Ректор Бейбіткүл Каримова, басқарма мүшелері мен профессор-оқытушылар құрамы, барлық факультет студенттері мен магистранттар қатысты. Қатысушылар мемлекеттік тілде сауатты жазу дағдыларын көрсетіп, тілге деген құрмет пен азаматтық жауапкершіліктің жоғары үлгісін танытты.

Ұлттық диктант – тіл мәдениетін дәріптеу мен ұлт бірлігін бекемдеудің айқын көрінісі.