• 10 қараша 2025
• 19

«Ecolife» клубы экологиялық мәдениетті қалыптастыруға атсалысуда

Қорқыт ата атындағы Қызылорда университеті «Таза Қазақстан» жалпыұлттық экологиялық акциясы аясында Экология және табиғатты пайдалану білім беру бағдарламасының “Ecolife” клубы №233 орта мектеп оқушыларымен бірлесіп “Қалдықтарды сұрыптап жинау мәдениетін қалыптастыру” атты экоакция өткізді. Шара барысында оқушыларға тұрмыстық қалдықтарды дұрыс сұрыптау жолдары түсіндіріліп, қоршаған ортаны қорғаудың маңызы жөнінде ақпарат берілді. Сонымен қатар, экологиялық мәдениетті арттыруға бағытталған түрлі танымдық тапсырмалар мен ойындар ұйымдастырылды.

Экоакцияның басты мақсаты – жас ұрпақтың табиғатқа деген жауапкершілігін арттыру, таза әрі қауіпсіз қоршаған ортаны қалыптастыруға ынталандыру болып табылады.
Айта кетейік, бұл экологиялық бастама мамыр айына дейін жалғасып, Қызылорда қаласындағы бірқатар мектептерде өткізілмек.