• 02 қыркүйек 2022
• 1661

Президент Жолдауы - жақсылықтардың бастауы

Қазақстан Республикасының Президенті Қасым-Жомарт Кемелұлы Тоқаевтың білім күні мерекесіне тұспа-тұс келген Қазақстан халқына Жолдауының «Жаңа Қазақстанның»  жарқын болашағы үшін маңызы зор деп білемін.
Жолдауда халықтың әл-ауқаты мен тыныс тіршілігін барынша жақсарту әрі тұрақтылық пен тыныштықты сақтау мақсатында барлық салалар қамтылып өзекті тапсырмалар мен іске асырылуы тиіс міндеттер қойылған. Әсіресе жаңа Қазақстанды құру жолында ұстаз рөлінің айрықша екендігіне Президент үлкен мән береді. Өзінің әр Жолдауында Президент қай кезде болмасын білім құндылығының астарына терең үңіліп, салмақты жобалар мен жаңашыл бастамалар ұсынады.
Сонымен қатар, елімізде жыл сайын бала санының артуына орай білім ошақтарының көптеп бой түзеуі құптарлық іс болмақ. Мұның бәрі Жаңа Қазақстанның биік белестерді бағындырып, алдағы жарқын болашаққа батыл қадамдар жасауымен жүзеге аспақ.
Президент Жолдауындағы өзекті де, аса маңызды бастамалар шешімін тауып, елге қызмет етеді деген ойда бүгінгі жолдауды қолдаймын.

Зейнегул Баймаханова
Электр энергетикасы және өміртіршілік қауіпсіздігі кафедрасының аға оқытушысы, техника ғылымдарының кандидаты

Қорқыт ата атындағы Қызылорда университетінің медиа орталығы
Байланыс телефоны: 87242 26-21-34
e-mail: kmu.kmu@list.ru