• 10 қараша 2025
• 44

Қорқыт ата университетінде құқық апталығы аясында қабырға газеті сайысы өтті

Қорқыт ата атындағы Қызылорда университетінің «Құқықтану» білім беру бағдарламасы бойынша «Қоғамда заң мен тәртіп идеологиясын ілгерілету жөніндегі 2025–2030 жылдарға арналған тұжырымдаманы» іске асыру және Қазақстан Республикасының Конституциясына 30 жыл толуына орай «Заң және тәртіп – әділетті Қазақстанның конституциялық тұғырнамасы ретінде» тақырыбындағы құқық апталығы өткізілуде. 

Апталық аясында Құқықтану мамандығының оқу топтары арасында қабырға газеті сайысы ұйымдастырылды. Шараның басты мақсаты – студенттердің құқықтық мәдениетін арттыру, заң мен тәртіптің қоғамдағы маңызын насихаттау және шығармашылық қабілеттерін дамыту болды.
Сайыс барысында студенттер еліміздің Конституциясының тарихы, маңызы мен қағидаттарын түрлі мазмұндық және көркемдік тәсілдер арқылы бейнеледі. Әр топ өз ойларын шығармашылық тұрғыда жеткізуде ерекше көзқарас пен идея танытты. 

     

Нәтижесінде, I орын – Ю-25-3 тобы (эдвайзері Мира Жұмаділова), II орын – Ю-24-1 тобы (эдвайзері Алия Кубенова), Ю-25-7 тобы (эдвайзері Алия Мүйденова), Ю-24-3 тобы (эдвайзері Ерлан Алтаев), ал III орын – Ю-23-7 тобы (эдвайзері Эльмира Тойлыбекова), Ю-22-1 тобы (эдвайзері Гүлзат Утегенова) және Ю-23-5 тобы (эдвайзері Гүлнұр Әбубәкірова) иеленді. 
Мұндай іс-шаралар студенттердің құқық саласына деген қызығушылығын арттырып қана қоймай, әділетті қоғам қалыптастыруда заң мен тәртіптің рөлін ұғынуға жол ашады.