• 19 қараша 2025
• 41

«Алтын Күз – 2025» байқауы өтті

Қорқыт ата атындағы Қызылорда университетінде Халықаралық студенттер күніне орай дәстүрлі «Алтын Күз – 2025» байқауы жоғары деңгейде өтті. Жыл сайын күтілетін бұл шара студенттердің шығармашылығын шыңдап, олардың өнер мен эстетикаға деген қызығушылығын арттыруды көздейді.
Байқау төрт кезеңнен тұрды: «Таныстыру», «Өнерің өрге жүзсін» өнер байқауы, «Күз тартуы» және «Бейнероликтер сайысы». Әр кезеңде қатысушылар өздерінің өнерін, тапқырлығын және сахна мәдениетін көрсете білді.

Тартысты өткен дода қорытындысы бойынша №5 жатақхананың студенттері Сәуіржан Қозайдар мен Нұрбибі Тынысбек үздік шығып, бас жүлдені иеленді. Жеңімпаздар «Университет аруы – 2025» байқауына жолдама және бағалы сыйлықтармен марапатталды.
Сонымен қатар, 1-орынды Бақдәулет Мамырбай мен Гүлнұршат Нұрбай, 2-орынды Ақбота Оразхан мен Бақжан Әбділлаев, ал 3-орынды Азамат Құдайбергенов пен Гүлхаят Оңалбекова иеленді.

Бұдан бөлек, «Ең сүйкімді жұп», «Ерекше стиль» және «Көрермен көзайымы» сияқты арнайы номинациялар табысталды.
Жалпы байқауға 9 жұп қатысып, өзара достық пен шығармашылық рухта сайысқа түсті.
Бұл шара студенттердің бір-біріне деген қолдауын арттырып, олардың шығармашылық әлеуетін дамытуға зор мүмкіндік берді. Сонымен бірге, жатақханалар арасындағы ынтымақты күшейтіп, университет өмірінің жарқын сәттерін айшықтады.