• 21 қараша 2025
• 89

Екіжақты ынтымақтастық аясындағы академиялық іссапар

Қорқыт ата атындағы Қызылорда университеті «Құқықтану» білім беру бағдарламасының  аға оқытушысы, заң ғылымдарының кандидаты Ғанибек Отарбаев Бердах атындағы Қарақалпақ мемлекеттік университетінде сыртқы академиялық ұтқырлық бағдарламасы бойынша магистранттар мен докторанттарға дәріс өтуде.

Іссапар оқыту сапасын арттыру және ғылыми ынтымақтастықты кеңейту мақсатындағы академиялық байланыстарды дамытуға бағытталған. Ғанибек Сырмағанбетұлы тыңдаушыларға заманауи құқық саласындағы өзекті мәселелер, құқықтық саясаттың жаңашыл бағыттары мен ғылыми-тәжірибелік зерттеулер туралы мазмұнды дәрістер өткізуде.

   

Айта кетейік, қос жоғары оқу орны арасында халықаралық ынтымақтастықты нығайтуға бағытталған екіжақты меморандум бар. Бұл келісім оқытушылар мен білім алушылардың академиялық ұтқырлығын жүзеге асыруға, бірлескен ғылыми жобаларды дамытуға және білім беру сапасын жақсартуға мүмкіндік береді.