• 26 қараша 2025
• 98

Қараша – қыстың есігі

Табиғат жаратылысы өзіне тән жыл он екі ай, төрт мезгілмен ұштасады. Әр кезең өз сұлулығымен ерекше. Сары кілемдей жайылған жапырақ, қоңыр салқын ауа-райы, жаңбырлы әрі тұманды дала - күзге тән қасиет. Қорқыт ата университетінің ботаникалық бағына барсаңыз осы көрініс көз алдыңызда көлбеңдейді. Мұнда серуендеуге немесе жаттығумен айналысып, жәй тынығуға өте қолайлы. Жапырақ жинап, гербарий жасап, мүлгіген тыныштықта ми тынықтырар саялы мекен.    

Осы аптаның соңында Қараша табиғат сахнасынан ысырылып, қыс мезгілі келеді. Бұл айды қазақ халқы жамау-жасқау айы деп те атаған. Алтын күз бен қытымыр қыс аралығындағы өтпелі кезеңде ботаникалық бақ бағбандары тал балақтау, шөп қырқу, қоқыс жинау секілді жұмыстармен үздіксіз айналысып жатыр. Жаңадан алынған арнайы техникалар ғылыми қызметкерлердің кәнігі көмекшісіне айналып үлгерген. Қала тұрғындары мен қонақтарының сүйікті демалыс аймағына айналған бақтың бағбандары тазалыққа жіті мән береді. 

Айтпақшы ботаникалық бақ ішіндегі жылыжайда жақын күндері банан піседі. Тропикалық жеміс түрлері жыл сайын көбейе түспек. Қазір қияр мен қызанақтың соңғы шығымы жиналып жатыр.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru