• 27 қараша 2025
• 132

Қорқыт ата университетінде “Зорлық-зомбылыққа жол жоқ” апталығы аясында семинар-тренинг өтті

Қорқыт ата атындағы Қызылорда университетінде “Зорлық-зомбылыққа жол жоқ” апталығы аясында Жастар денсаулық орталығының маманы Индира Мирамбакқызының қатысуымен “Зорлық-зомбылық және харассмент” тақырыбында семинар-тренинг ұйымдастырылды.

Іс-шараның мақсаты – білім алушылардың зорлық-зомбылық туралы түсінігін кеңейтіп, өз қауіпсіздігін сақтауға бағытталған дағдыларды қалыптастыру.

Семинар барысында қатысушыларға зорлық-зомбылық түрлері, оның алдын алу жолдары мен құқықтық аспектілері туралы жан-жақты ақпарат берілді. Сонымен қатар маман қатысушылармен бірге психологиялық жаттығулар мен түрлі интерактивті ойындар өткізіп, студенттердің белсенді қатысуына мүмкіндік жасады.

Осындай семинарлар жастардың өз құқығын қорғауға, зорлық-зомбылыққа қарсы тұруға және қоғамда қауіпсіз мінез-құлық қалыптастыруға ықпал етеді.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru