• 05 қаңтар 2026
• 174

ҚҰТТЫҚТАЙМЫЗ!

Нұрбек Беркінбайұлы Қоңырбаев - «ЖОО үздік оқытушысы – 2025» атағының иегері

Қорқыт ата атындағы Қызылорда университетінің «Компьютерлік ғылымдар» білім беру бағдарламасының жетекшісі, қауымдастырылған профессор, PhD Нұрбек Қоңырбаев «Жоғары оқу орнының үздік оқытушысы – 2025» республикалық байқауының жеңімпазы атанды.

Бұл марапат – жоғары білім беру саласындағы оқытушылардың кәсіби шеберлігін, ғылыми әлеуетін және білім сапасын арттырудағы еңбегін жоғары деңгейде мойындаудың айқын көрінісі.

«ЖОО үздік оқытушысы» атағы – педагогтың еңбегінің мемлекеттік деңгейде бағалануы ғана емес, сонымен қатар студенттер мен жас ғалымдарға үлгі боларлық жетістік.

2025 жылғы байқау нәтижесінде еліміздің 37 жоғары оқу орнынан 150 оқытушы үздік деп танылды. Жалпы, бұл жылы Қазақстанның 89 жоғары оқу орнынан 502 үміткер қатысқан болатын.

Нұрбек Беркінбайұлының аталмыш марапатқа ие болуы – Қорқыт ата университеті ұжымының ғылыми және оқу-әдістемелік саладағы жетістіктерінің бір дәлелі.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru