• 21 қаңтар 2026
• 109

Академик Е.А. Бөкетов атындағы Қарағанды ұлттық зерттеу университетінің ректоры Нұрлан Дулатбеков Қорқыт ата университетінің студенттерімен кездесті

Қорқыт ата атындағы Қызылорда университетінде «Академик Е.А. Бөкетов атындағы Қарағанды ұлттық зерттеу университеті» коммерциялық емес акционерлік қоғамының Басқарма Төрағасы – Ректоры, заң ғылымдарының докторы, профессор Нұрлан Дулатбеков студенттермен кездесу өткізді.
Кездесуге Ректордың міндетін атқарушы Дана Абдрашева, профессор-оқытушылар құрамы мен студенттер қатысты.

Жиын барысында Нұрлан Орынбасарұлы елімізде өтіп жатқан Ұлттық құрылтайдың маңызына тоқталып, оның қоғамдағы бірлік пен жауапкершілікті арттырудағы рөлін түсіндірді. Сондай-ақ, құқық және заң саласындағы өз тәжірибесімен бөлісіп, студенттерге кәсіби бағыт-бағдар берді.

Кездесу еркін пікір алмасу форматында өтті. Оқытушылар мен студенттер өздерін қызықтырған сұрақтарын қойып, толыққанды жауаптар алды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru