• 27 қаңтар 2026
• 159

Шетелдік студенттермен психологиялық жаттығу өтті

Қорқыт ата атындағы Қызылорда университетінің Психологиялық қолдау орталығы шетелдік студенттермен проективті әдіс ұйымдастырды.  
Шараның негізгі мақсаты – сурет салу арқылы білім алушылардың ішкі жан-дүниесін көрсетуге, эмоциялық күйін анықтауға және болашаққа деген мақсаттарын айқындауға мүмкіндік беру.    

     

Психологиялық әдіс барысында студенттер өз ойларын, сезімдері мен өмірлік ұстанымдарын бейнелеу арқылы ішкі дүниесін ашып көрсетті. Бұл тәсіл қатысушылардың өзін-өзі тануына, тұлғалық дамуына және жаңа ортаға бейімделуіне оң әсерін тигізді.   

Шетелдік студенттер іс-шарадан ерекше әсер алғандарын айтып, университет тарапынан жасалып жатқан психологиялық қолдаудың маңыздылығын атап өтті.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru