• 10 ақпан 2026
• 57

«OPEN MINDS, BRIGHT FUTURE» Халықаралық Қысқы Мектебі басталды

2026 жылғы 8–14 ақпан аралығында Әзербайжан Республикасының Губа қаласында «OPEN MINDS, BRIGHT FUTURE» атты International Winter School халықаралық қысқы мектебі өтуде. Іс-шара ASA Azerbaijan Sports Academy базасында ұйымдастырылып, оған   Қазақстан, Түркия, Өзбекстан, Қырғызстан мемлекеттерінен білім алушылар келген.

Аталған қысқы мектепке Қазақстаннан Қорқыт Ата атындағы университетінің Жасанды интеллект институтының 1-2 курс студенттері қатысуда.
Халықаралық қысқы мектеп аясында қатысушылар жасанды интеллект, заманауи технологиялар, спорт пен білімнің болашағы, командалық жұмыс және халықаралық тәжірибе алмасу бағыттары бойынша дәрістер мен практикалық сабақтарға қатысуда.

Бұл бағдарлама студенттердің кәсіби дамуына, халықаралық байланыс орнатуына және болашаққа жаңа көзқараспен қарауына үлкен мүмкіндік береді. Қорқыт Ата университетінің студенттері еліміздің білім сапасын халықаралық деңгейде танытып, белсенді түрде тәжірибе жинақтауда.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru