• 27 ақпан 2026
• 45

Қорқыт ата университетінің студенттері республикалық «AI Хакатон 2026»-да жүлделі орындарға ие болды

Қорқыт ата атындағы Қызылорда университетінің Жасанды интеллект институтының студенттері Түркістан қаласында өткен «AI Хакатон 2026» республикалық байқауында жоғары нәтижелерге қол жеткізді.

Іс-шараны Түркістан облысы бойынша Экономикалық тергеп-тексеру департаменті ұйымдастырды. Хакатон «Цифрландыру және жасанды интеллект дәуіріндегі қаржылық қауіпсіздік» тақырыбына арналды. 
Қорқыт ата университеті атынан «Компьютерлік ғылымдар» білім беру бағдарламасы бойынша 2 команда және Жасанды интеллект институты атынан 4 команда қатысып, өз жобаларын таныстырды.

Нәтижесінде университет студенттері жүлделі орындарға ие болды: «Zodtech» командасының құрамында өнер көрсеткен Нұрбек Әбілдаев пен Нұрбол Оналбеков II орынды иеленіп, 700 000 теңге көлемінде сыйақы алды, ал «Lunar» командасының мүшелері Нұрдәулет Нуғуман мен Бекболат Бөлебай ынталандыру сыйлығын жеңіп алып, 200 000 теңгеге ие болды.
Бұл жетістік – студенттердің кәсіби біліктілігі мен шығармашылық қабілетінің, сондай-ақ командалық ынтымақтастықтың жарқын көрінісі. 
Қорқыт ата атындағы Қызылорда университеті жасанды интеллект және инновациялық технологиялар саласындағы әлеуетін тағы бір мәрте дәлелдеді.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru