• 07 қыркүйек 2022
• 1410

Қазақстандағы эндаумент қорлардың ІІ республикалық конференциясы өтті

Конференция эндаумент қорларын дамыту мәселелерін талқылау және эндаумент қорлары туралы заңнаманы жетілдіру бойынша ұсыныстар әзірлеу мақсатында өтті.

Конференцияға Ғылым және жоғары білім министрі Саясат Нұрбек, «Қазақстан халқына» қорының Басқарма Төрағасы Болат Жамишев, зерттеушілер, шетелдік сарапшылар, эндаумент қорлары мен қайырымдылық ұйымдарының өкілдері қатысты.

Шараның ұйымдастырушылары – Ғылым және жоғары білім министрлігі, «Қазақстан халқына» қоры және ENU Endowment Fund.

Алғашқы күні стратегиялық сессия өтіп, онда Қазақстандағы эндаумент қорларын дамытудың алғышарттары, қазіргі кезеңдегі рөлі мен маңызы, заңнамалық базасы мен дамыту мәселелері талқыланды. Сондай-ақ, қатысушылар эндаумент қорларының қандай қиындықтарға тап болатынын, қандай жақсартулар мен ұсыныстар енгізуге болатынын айтты.

Конференцияның екінші күні Ғылым және жоғары білім министрінің қатысуымен жұмыс кеңесі өтті. Онда Мемлекет басшысының 2022 жылғы 1 қыркүйектегі Қазақстандағы эндаумент қорларын дамыту жөніндегі Жолдауында қойылған міндеттер талқыланды.

Жиынға Қорқыт ата атындағы Қызылорда университеті, «Korkyt ata endowment» корпоративтік қорының басшысы Маржан Базарханова Zoom платформасы бойынша онлайн қатысты.

Конференция барысында эндаумент қорларын дамыту бойынша алда тұрған міндеттерді талқыладық және эндаумент қорлары туралы заңнаманы жетілдіру бойынша ұсыныстар әзірледік. Айта кету          керек, Қорқыт ата атындағы Қызылорда университетінде «Korkyt ata endowment» корпоративтік қоры 2021 жылдан бастап жүйелі жұмыс жүргізуде, – деді Маржан Бекзатханқызы.

Кездесу нәтижесінде эндаумент қорлары туралы заңнамаға өзгерістер енгізу бойынша ұсынымдар түріндегі құжат әзірленеді.

Қорқыт ата атындағы Қызылорда университетінің медиа орталығы
Байланыс телефоны: 87242 26-21-34
e-mail: kmu.kmu@list.ru