• 18 наурыз 2026
• 20

Қазақстан Республикасы Ғылым және жоғары білім министрлігінің республикалық бюджетіне негізделген академиялық ұтқырлық бағдарламасы бойынша студенттерге арналған конкурс

        «2026 жылға арналған академиялық ұтқырлық  шеңберінде шетелде оқу үшін жоғары және (немесе) жоғары оқу орнынан кейінгі білім беру ұйымдарындағы орындардың санын бекіту туралы» Қазақстан Республикасы Ғылым және жоғары білім министрінің 2026 жылғы 25 ақпандағы №92 бұйрығына сәйкес «Қорқыт Ата атындағы Қызылорда университеті» Коммерциялық емес Акционерлік Қоғамы мемлекеттік білім беру тапсырысы (гранты) бойынша оқитын бакалавриат студенттері үшін бір семестр бойы республикалық бюджеті негізінде Еуропа және Оңтүстік Азия университеттерінде оқуға арналған академиялық ұтқырлық бағдарламасы бойынша конкурс жариялайды. Конкурсқа 1-2 курс студенттері қатыса алады.

Академиялық ұтқырлық шеңберінде республикалық бюджет қаражаты есебінен конкурсқа қатысуға көрсетілген құжаттарды ұсыну Қорқыт Ата университеті мен шетелдік әріптес ЖОО арасындағы ынтымақтастық туралы халықаралық шарттарға сәйкес жүзеге асырылады.

Конкурста жеңіске жеткен студенттерге оқу мерзімінің барлық кезеңінде бару-келу жол жүру шығындары, медициналық сақтандыру, визалар және жатақханада тұру төлемақылары республикалық бюджет қаражаты есебінен төленеді.

Конкурсқа қатысу үшін бакалавриат студенттері келесі құжаттарды тапсыру қажет:

1) Университет басшысының атына жазылған студенттің өтініші;
2) ҚР азаматы паспортының және куәлігінің көшірмелері;
3) Білім туралы құжат: Ағымдағы оқу үлгерімі туралы транскрипт (Университеттің мөрімен куәландырылған);
4) Шетел тілін меңгеру деңгейін растайтын:
-Халықаралық бағалау жүйесі арқылы алынған шетел тілін білу туралы  сертификат (IELTS, TOEFL, TOPIK), болған жағдайда;

5) шетел тілін білу туралы сертификаты жоқ студенттер 2026 жылдың 17 сәуірінде сағат 16:00-де бас оқу ғимаратының Мәжіліс залында ағылшын тілінен институционалды тест тапсырады;

5) Шетел ЖОО-ның шетел тілінің деңгейі бар студентті қабылдауға келісімі туралы хат немесе бір академиялық кезеңге оқуға шақыру туралы ЖОО-ның хаты;
6) № 072/у нысаны бойынша медициналық анықтамасы (шетелге шығушылар үшін) (бұл құжат шетел университетіне шақыру алғаннан және іріктеу конкурсынан өткеннен кейін тапсырылады).

Үміткерлерді іріктеу ҚР Білім және ғылым министрінің 2008 жылғы 19 қарашадағы № 613 бұйрығымен бекітілген «Шетелге, оның ішінде академиялық оралымдылық шеңберінде оқытуға жіберу қағидаларын бекіту туралы» ережесіне сәйкес Үміткерлерді іріктеу жөніндегі комиссиясында қарастырылады.  
         Конкурсқа қатысу жөнінде сұрақтар бойынша кеңес беру және құжжаттарды қабылдау Университеттің халықаралық байланыстар бөлімінде жүргізіледі. Мекен-жайы: Қызылорда қаласы, Әйтеке би көшесі, 29-А, бас оқу ғимараты, 3 қабат, №317 бөлме, тел. 26-17-25, 26-29-57. 
         Құжаттарды қабылдау мерзімі 2026 жылғы 16 сәуірге дейін жүргізіледі.

Қорқыт Ата атындағы Қызылорда университетінің

Халықаралық байланыстар бөлімі