• 03 сәуір 2026
• 96

Әлемдік QS рейтингіне қатысуы мен көрсеткішті арттыру жол картасы қаралды

Жиында Қорқыт ата атындағы Қызылорда университетінің Басқарма төрағасы – Ректоры Наурызбай Байқадамов білім ордасының QS әлемдік рейтингіндегі орнын нығайту мен көрсеткіштерін жандандыру және стратегиялық бағыттарды жетілдіру мәселелерін саралады. 

Кездесу барысында Басқарма мүшесі – ғылыми жұмыстар және халықаралық байланыстар жөніндегі проректор Майнура Бурибаева баяндама жасап, 2026 жылғы академиялық сарапшылар мен жұмыс берушілердің дауыс беру нәтижелерін таныстырды. Сонымен қатар, халықаралық ғылыми ынтымақтастықты дамыту, шетелдік ғалымдармен бірлескен ғылыми мақалалар санын арттыру және университеттің ғылыми жарияланым белсенділігін күшейту қажеттігін атап өтті.

Жиын қорытындысы бойынша QS әлемдік рейтингісіндегі университет позициясын жақсарту бағытында нақты міндеттер айқындалып, жүйелі жұмыстарды жалғастыру тапсырылды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru