• 14 сәуір 2026
• 147

Мемлекеттік сатып алу саласындағы өзгерістер талқыланды

Қорқыт ата атындағы Қызылорда  университетінде  «ProCommunity Astana Orleu» ЖШС-нің ұйымдастыруымен  мемлекеттік сатып алу саласындағы маңызды өзгерістерді түсіндіруге арналған семинар өтті.  Екі күнге созылған семинарға бас есепшілер, мемлекеттік сатып алуды жүзеге асыратын құрылымдық бөлімшелердің басшылары мен осы сала мамандары қатысты. 

Аталған шараның негізі мақсаты мемлекеттік сатып алудағы өзгерістер бойынша қатысушылардың теориялық және практикалық білімін арттырып, осы саладағы өзекті мәселелерді талқылау.  

Басқосу барысында мемлекеттік сатып алу саласындағы жаңа заңнаманың ерекшеліктері және биылғы жылдағы өзгерістер, конкурс тәсілі мен  оның түрлері, жаңа конкурс форматтары, аукцион тәсілі арқылы сатып алуды жүзеге асыру тәртібі сынды мәселелер жан-жақсы қарастырылды. 

Өзекті тақырыптарды қамтыған семинар қатысушыларға мемлекеттік сатып алу саласындағы соңғы өзгерістерді терең түсінуге және тәжірибелік дағдыларын жетілдіруге мүмкіндік берді.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru