• 14 сәуір 2026
• 137

Инженерлі-технологиялық институты - спартакиада жеңімпазы!

Қорқыт ата атындағы Қызылорда университетінде білім алушылар арасында ұйымдастырылған институтаралық дәстүрлі спартакиаданың жабылу салтанаты өтті.

Ауқымды спорттық шара студенттер арасында салауатты өмір салтын қалыптастыру, бұқаралық спортты дамыту, сондай-ақ командалық рух пен ұйымшылдықты нығайту мақсатында ұйымдастырылды.

Бес күнге созылған тартысты бәсеке барысында қатысушылар спорттың 8 түрі бойынша өзара бақ сынасты. Атап айтқанда, үстел теннисі, тоғызқұмалақ, стритбол, шахмат, волейбол, футзал, жүзу және арқан тарту секілді спорт түрлері бойынша шеберлік байқасты. 

Тартысты сайыс нәтижесінде жүлделі орындарға ие болған командалар мен үздік ойын өрнегін көрсеткен спортшылар арнайы марапаттарға ие болды. Сонымен қатар, «Үздік команда жетекшісі», «Үздік төреші» сынды арнайы номинациялар да табысталды.

Жалпы командалық есеп бойынша III-орынды Жасанды интеллект институты иеленсе, II-орын Экономика және құқық институтына бұйырды. Ал  Инженерлі-технологиялық институты спартакиаданың жеңімпазы атанды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru