• 17 сәуір 2026
• 94

ТҮСІНДІРМЕ ЖҰМЫСТАРЫ ЖҮРГІЗІЛДІ

Мемлекеттік білім беру тапсырысы және ауыл квотасы негізінде білім алған бітіруші түлектерге 3 жыл міндетті жұмыспен өтеу талаптарын түсіндіру мақсатында университетте онлайн форматта ақпараттық-түсіндірме кездесуі ұйымдастырылды.

Аталған іс-шараны университеттің Рекрутинг бөлімі және Мансап орталығының мамандары ұйымдастырды. Кездесудің негізгі мақсаты – түлектерге қолданыстағы заңнамаға сәйкес міндетті жұмыспен өтеу тәртібі, оның талаптары мен ерекшеліктері туралы жан-жақты ақпарат беру болды.

Кездесу барысында «Қаржы орталығы» АҚ Жас мамандардың міндетті өтеуін мониторингілеу департаментінің аға маманы Әбдіғали Азамат түсіндірме жұмыстарын жүргізді. Спикер өз сөзінде мемлекеттік грант және ауыл квотасы негізінде білім алған түлектердің жұмыспен өтеу міндеттері, оларды орындау тәртібі, сондай-ақ заң талаптарын сақтамаған жағдайда туындайтын жауапкершілік мәселелеріне тоқталды.

Сонымен қатар, түлектерге жұмысқа орналасу бағыттары, есепке қою тәртібі және қажетті құжаттар туралы толық мәлімет берілді. Кездесу соңында бітіруші түлектер өздерін толғандырған сұрақтарын қойып, маман тарапынан нақты әрі толыққанды жауаптар алды.

Осындай кездесулер студенттер мен түлектердің құқықтық сауаттылығын арттыруға, олардың болашақ кәсіби жолын дұрыс жоспарлауына мүмкіндік береді.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru